Хуссар Иры фæкъаддæр ис гриппæй рынчынты нымæц

© Sputnik / Александр Кондратюк /  Ахизын медиабанкмæХуссар Иры фæкъаддæр ис гриппæй рынчынты нымæц
Хуссар Иры фæкъаддæр ис гриппæй рынчынты нымæц - Sputnik Хуссар Ирыстон
Рафыссын
Къуырийы райдайæнæй столицæйы ахуырадон уагдæтты сног ис куыст карантины фæстæ. Ӕхгæд ма сты кæцыдæр сабидæттæ æмæ районты скъолатæ

ЦХИНВАЛ, 11 фев - Sputnik. Ивгъуыд къуыри Хуссар Иры гриппæй рынчынты нымæц фæкъаддæр ис 57 проценты, уый размæ къуыримæ абаргæйæ, хъусын кæны "Югосетпотребнадзор"-ы пресс-службæ.

Цæгат Иры адарддæр кодтой карантин - Sputnik Хуссар Ирыстон
Цæгат Иры адарддæр кодтой карантин

Уагдоны статистикæмæ гæсгæ, 2020 азы æхсæзæм къуыри фæрынчын ис 587 адæймаджы, уыдонæй 427 сты сывæллæттæ (73 проценты).

Рынчынты хсæн нæй уæззау уавæры адæм, науæд мæлæты цаутæ, бафтыдтой "Югосетпотребнадзор"-ы.

Цхинвалы сывæллæтты хсæн рынчынтæ æхсæзæм къуырийы, фæндзæм къуыримæ абаргæйæ фæкъаддæр сты 42 проценты. Нысан цæуы, ахæм хатдзæгтæм кæй æркодтой ахуырадон уагдæтты æмæ сабидæтты карантины баконд.

Уæ зæрдыл уын лæууын кæнæм, 10 февралæй республикæйы столицæйы æппæт ахуырадон уагдæттæ кæй сног кодтой сæ куыст. Карантин ма ис 16 февралы онг районты кæцыдæр скъолатæ æмæ сабидæтты.

Ног хабӕртты лентӕ
0