22:29 03 СУСÆНЫ МÆЙ
 2020
Комкоммӕ эфир
  • EUR79.22
  • USD70.50
Хуссар Ирыстоны
Чысыл дӕнцӕг
8 0 0

Хуссар Ирыстоны Мидхъуыддӕгты министрады фехъусын кодтой, ивгъуыд къуыри фӕндагон-транспортон цауты зиан кӕй баййӕфтой ӕртӕ адӕймаджы

ЦХИНВАЛ, 10 мар - Sputnik. Ивгъуыд къуыри, 2-ӕй 8-ӕм мартмӕ, Паддзахадон автоинспекцийы кусджытӕ сбӕрӕг кодтой Хуссар Ирыстоны фӕндӕгтыл фӕндагон змӕлды 217 фӕткхалды, хъусын кӕны республикӕйы Мидхъуыддӕгты министрады (МХМ) пресс-службӕ.

Уагдоны куыд радзырдтой, афтӕмӕй ацы период ӕрцыд ӕртӕ фӕндагон-транспортон цауы, кӕцыты фӕстиуӕгӕн зиан баййӕфтой 3 адӕймаджы. Афтӕ ма Паддзахадон автоинспекцийы кусджытӕ ӕрурӕдтой дӕс шофыры, кӕцытӕ скъӕрдтой автотранспорт нозтджынӕй.

Министрады ма фехъусын кодтой, иу къуыримӕ Хуссар Ирыстоны территорийыл ӕрцыд фондз фыдракӕнды, уыдонӕй цыппар сбӕрӕг кодтой. Бӕрнмӕ ӕрбаздахтой цалдӕр фӕткхалӕджы, уыдонӕй фондзы - тобӕгонд наркотикон буарадтӕй пайда кӕныны тыххӕй.

Сӕйраг темӕтӕ