03:21 02 ЦЫППУРСЫ МÆЙ 2020
Комкоммӕ эфир
  • EUR91.31
  • USD76.32
Хуссар Ирыстоны
Чысыл дӕнцӕг
18 0 0

Мадзал баст у дунейы коронавирусы пандемиимӕ – абоны бон фӕрынчынуӕвджыты нымӕц ахызт 240 мин адӕймагӕй

ЦХИНВАЛ, 20 мар – Sputnik. Хуссар Ирыстоны Паддзахадон ӕдасдзинады комитет фехъусын кодта, рӕстӕгмӕ тобӕ кӕй сӕвӕрдтой Гуырдзыстонмӕ цӕуыныл ӕмбӕстӕгтӕн, кӕцытӕ нывӕндысты ацӕуын хоскӕнын кӕнӕ басгӕрстмӕ.

Февралы кӕрӕтты Хуссар Ирыстон фехъусын кодта Гуырдзыстонимӕ арӕн сӕхгӕныны тыххӕй коронавирус кӕй фӕзынд ацы бӕстӕйы, уый фӕдыл. Ныртӕккӕ Гуырдзыстоны ис 40 фӕрынчынуӕвӕгӕй фылдӕр.

"Ӕдасдзинады советы скъуыддзагмӕ гӕсгӕ, коронавирусы инфекцийы апарахат ма руадзыны нысанӕн, уадзӕн пункт "Цхинвал-Эргнет" ӕмӕ Хуссар Ирыстон ӕмӕ Гуырдзыстоны хсӕн паддзахадон арӕны уадзӕн бынӕттӕ – Раздӕхӕн, Переу ӕмӕ Хелцуа – ӕхгӕд сты сӕрмагонд барамынды онг, сӕ нымӕцы гоймӕгтӕн дӕр, кӕцытӕ цыдысты хоскӕнынмӕ Гуырдзыстоны медицинон уагдӕттӕм", - загътой уагдоны пресс-службӕйы.

Комитет сиды ӕмбаргӕ ахаст дарын республкӕйы территорийыл коронавирусон инфекцийы апархат ма руадзыны мадзӕлттӕм.

Абоны бон ног коронавирус COVID-19-ӕй фӕрынчынуӕвджыты нымӕц у 242 мин адӕймагмӕ ӕввахс, пандемийы амӕттӕгты нымӕц схызт 10 мины онг.

Амӕйразмӕ Хуссар Ирыстоны тобæ сæвæрдтой фæсарæйнаг æмбæстæгтæн республикæйы территоримæ æрбахизыныл, арæнæвæрд нæ хауы æрмæстдæр уæрæсейæгтæм, афтӕ ма сӕхгӕдтой уадзӕн пункттӕ Гуырдзыстонимӕ паддзахадон арӕныл. Уымӕй дарддӕр тобӕ сӕвӕрдтой культурон ӕмӕ спортивон мадзӕлттӕ ауадзыныл.

Сӕйраг темӕтӕ