03:24 10 МАЙРÆМТЫ МÆЙ 2020
Комкоммӕ эфир
  • EUR87.17
  • USD73.64
Хуссар Ирыстоны
Чысыл дӕнцӕг
6610

Проектты нысан у Хуссар Иры ӕвӕрццаг фӕлгонц саразын дунейы, фӕсивӕды рухсад ӕмӕ бастдзинадтӕ саразын Советон цӕдисы республикӕты минӕвӕрттимӕ 

ЦХИНВАЛ, 20 май – Sputnik, Плиты Фатимæ. Хуссар Ирыстоны минӕвӕрттӕй ӕртӕйы проекттӕ райстой уӕрӕсейаг конкурсы гранттӕ. Сӕ фӕлгӕтты Цхинвалы уӕвӕг информацион технологиты скъола рауӕрӕх кӕндзӕн йӕ фадӕттӕ, республикӕ ӕрфысым кӕндзӕн ахуырадон форум, ӕртыккаг та суыдзӕн фӕсивӕдон медиа-центры баконд, загъта Sputnik комитеты сӕрдары хӕдивӕг Гатыгкоты Валентина.

Йӕ ныхӕстӕм гӕсгӕ, мадзӕлттӕ ӕххӕст цӕуынц Фӕсивӕдон комитет ӕмӕ уӕрӕсейаг организаци "Росмолодежь"-ы ӕмгуыстады фӕлгӕтты.

"Проекттӕ бавдыстӕуыдысты ивгъуыд аз дӕр, фӕлӕ уӕд разыдзинад нӕ райстой. Ацы аз бакуыстгонд форматы уыдон райстой гранттӕ. Нӕ ӕмархайд ӕмӕ фӕсивӕды куысты фӕстиуӕгӕн Хуссар Иры ӕвӕрццаг фӕлгонц саразын дунейы, нӕ фӕсивӕды рухсад ӕмӕ сын Хӕдбар паддзахадты цӕдисы бӕстӕты фӕсивӕдимӕ бастдзинадтӕ саразыныл бахардз уыдзӕн дыууӕ милуан сомы, уый та ахъаз уыдзӕн нӕ фӕсивӕды ӕмӕ ӕмткӕй паддзахады размӕцыдӕн", - банысан кодта Гатыгкоты Валентина.

Гранттӕн хицӕнгонд ӕрцыд 800, 800 ӕмӕ 400 мин сомы.

Хуссар Ирыстон ӕмӕ Кавказ Уӕрӕсейы дӕр ӕмӕ дунейы дӕр хъуыстгонд у куыд хӕстон, науӕд та змӕстыты регион. Проекттӕй иуы нысан у ӕндӕрхуызонӕй равдисын ацы регион, уымӕ гӕсгӕ йӕ схуыдтой "Другой Кавказ".
Аннӕ проекты фӕлгӕтты рауӕрӕх кӕндзысты информацион технологиты скъолайы авналӕнтӕ, кӕцы конд ӕрцыд ӕртӕ азы размӕ.

Ӕртыккаг проект Хуссар Ирыстонмӕ ӕрхондзӕн фӕсивӕд раздӕры Советон цӕдисы республикӕты минӕвӕртты ӕхсӕнадӕмон ахуырадон форум "Барс" -мӕ.

Сӕйраг темӕтӕ