Хуссар Иры рынчындонӕй рафыстой 12 адӕймаджы, кӕцытӕ сӕнӕниз сты коронавирусӕй

© Sputnik / Natalia Airiyan Цхинвалы рынчындон
Цхинвалы рынчындон - Sputnik Хуссар Ирыстон
Рафыссын
Иумӕйагӕй майы райдайӕнӕй республикӕйы COVID-19-ӕй сӕнӕниз сты 64 рынчыны, стационары хоскӕнынад цӕуынц 21 адӕймаджы

ЦХИНВАЛ, 26 июн - Sputnik, Козаты Диана. Хуссар Ирыстоны республикон бирӕпрофилон медицинон центры инфекцион хайадӕй рафыстой 12 адӕймаджы, кӕцытӕ уыдысты рынчын коронавирусӕй, фехъусын кодта сӕйраг санитарон дохтыры хӕдивӕг Гаглойты Анна.

Коронавирус - Sputnik Хуссар Ирыстон
Хуссар Иры санитарон уагдон фехъусын кодта коронавирусы фӕдыл тестты фӕстиуджытӕ

Иумӕйагӕй республикӕйы пандемийы райдайӕнӕй коронавирус бахӕцыд 85 адӕймагыл, уыдонӕй 64 сӕнӕниз сты. Афтӕ ма, се хсӕн нӕ уыд уӕззау рынчынтӕ ӕмӕ уый фӕдыл нӕ баиу кодтой рӕуджыты вентиляцийы аппараттӕ.

"Иу суткӕмӕ рынчындонӕй рафыстой 12 адӕймаджы. Уымӕй дарддӕр, мах не сбӕрӕг кодтам коронавирусӕй ног рынчынты, ӕрдӕг сӕдӕ тестӕй иу дӕр нӕ равдыста вирусы уӕвынад", - загъта ГАглойты Анна.

Ныртӕккӕ инфекцион хайады хоскӕнынад цӕуынц 21 адӕймаджы – иу медицинон кусӕг ӕмӕ уӕрӕсейаг ахуыргӕнӕндӕтты курсанттӕ.

Фӕкъаддӕр ис адӕмы нымӕц, кӕцытӕ сты карантины. Майрӕмбоны райсомы бӕрӕггӕнӕнтӕм гӕсгӕ уым ис 87 адӕймаджы.

Афтӕ ма, Дзӕуджыхъӕуы консулон хайады хаххыл сӕ фыдыбӕстӕмӕ ӕрыздӕхынмӕ ӕнхъӕлмӕ кӕсынц фондз сӕдӕмӕ ӕввахс адӕймаджы. Уыдоны ласдзысты организацигонд къордтӕй 10-20 адӕймаджы скондӕй. Республикӕмӕ куы 'рцӕуой, уӕд уыдон ӕнӕмӕнг рацӕудзысты дыууӕкъуырион карантин.

Ног хабӕртты лентӕ
0