Йедзаг рынчындон æмæ хосты цухдзинад: куыд цæры Къуаиса пандемийы рæстæджы

© Facebook / Индира ТедееваКуыд цæры Къуаиса пандемийы рæстæджы
Куыд цæры Къуаиса пандемийы рæстæджы - Sputnik Хуссар Ирыстон
Рафыссын
Къуаисайы медуагдоны æппæт хатæнтæ рацарæзтой палатæтæм, æртæ дохтыры архайынц рынчынты фервæзын кæныныл, фӕлӕ горæты рынчындоны нæ фаг кæнынц медикаменттæ æмæ туаггуыр

ЦХИНВАЛ, 27 окт — Sputnik, Плиты Фатимӕ. Хуссар Ирыстоны горӕт Къуаисайы рынчындон у йедзаг коронавирусӕй рынчынтӕй. Медуагдон æвзары цухдзинад медикаменттæ, туаггуыр æмæ хъахъхъæнæн æрмæгæй.  Æгас горæт та ис ӕрмӕстдӕр æртæ дохтыры бæрны.

Пандеми - Sputnik Хуссар Ирыстон
Хуссар Иры ноджы иу адӕймаг амард коронавирусӕй

Рынчынты нымӕцы рӕзт, медицинон ӕрмӕджыты цухдзинад ӕмӕ медикты удуӕлдай куысты тыххӕй йӕ фарсыл Фейсбукы ныффыста горӕты цӕрӕг Тедеты Индира.

"Ӕдӕппӕтӕй дзы ис ӕртӕ дохтыры ӕмӕ иу рынчындон 16 бынатӕн. Йӕ рӕстӕджы куы фӕдис кодтон, уӕд мын загътой, уӕ рынчындон инфекцимӕ  цы бар дары, зӕгъгӕ, уыдон кӕндзысты Цхинвалы инфекцион хайадмӕ", -  ныффыста уый.

Рынчындоны сӕйраг дохтыр Цхуырбаты Ульянайы ныхӕстӕм гӕсгӕ, уагдоны хос кӕнынц 14 адӕймаджы, аннӕтӕ сты медикты хъусдарды бын хӕдзӕртты.  

"Рынчынтӕ бирӕ ис. Хос кӕныны фадӕттӕ та сты къуындӕгдӕр.  Рынчындоны чи нӕ хуыссы, уыдон цӕуынц капельницӕтӕм. Цыдӕриддӕр дзы хатӕнтӕ ис, уым исӕм рынчынты, дохтыры кабинетӕй дӕр скодтам палатӕ. Пациенттӕн иумӕ нӕй гӕнӕн", - загъта медик.

 Уый радзырдта, цӕмӕй тыхсынц медицинон уагдоны кусджытӕ, уый тыххӕй дӕр.

Фӕстаг тыхтӕй: Хуссар Иры КТ специалист пандемийы рӕстӕджы куысты тыххӕй - Sputnik Хуссар Ирыстон
Фӕстаг тыхтӕй: Хуссар Иры КТ специалист пандемийы рӕстӕджы куысты тыххӕй

 "Туаггуыр знон  ӕрбаластой ӕмӕ ӕхсӕв фӕцис. Абон та арвыстам ногӕй Цхинвалмӕ. Цыппар хъахъхъӕнӕн костюм нӕм уыд, ноджы ма нын рахицӕн кодтой ӕртӕ. Фӕлӕ сӕ алкӕцы сменӕйы фӕстӕ хъӕуы ӕхсын,  уый хыгъды дыккаг сменӕйӕн нӕ фаг кӕнынц. Медикаменттӕ цыдӕртӕ радтой, фӕлӕ сӕ рынчынтӕ фылдӕр ӕлхӕнынц сӕхӕдӕг", - банысан кодта дохтыр.

 Къуыдаргомӕй ӕртӕ уӕззау рынчыны раластой республикӕйы столицӕмӕ, уыдонӕй иу фӕзиан. 

"Ноджы цыппар адӕймаджы абон ӕрвитӕм Цхинвалмӕ КТ-мӕ. Уӕззау рынчынты уым хъӕуы схуыссын кӕнын. 20 та систам тесттæ", - балхынцъ кодта Цхуырбаты Ульяна.

Ног хабӕртты лентӕ
0