Хуссар Иры сбӕрӕг кодтой сӕдӕмӕ ӕввахс рынчыны коронавирусӕй

© Sputnik / Владимир Песня /  Ахизын медиабанкмæКоронавирус
Коронавирус - Sputnik Хуссар Ирыстон
Рафыссын
Пандемийы райдайӕнӕй республикӕйы коронавирусӕй ӕдӕппӕт фӕрынчын сты 768 адӕймаджы, уыдонӕй 678 – 15 сентябры Уӕрӕсеимӕ арӕны баконды фӕстӕ

ЦХИНВАЛ, 29 окт - Sputnik, Козаты Диана. Хуссар Ирыстоны иу суткӕмӕ сбӕрӕг кодтой коронавирусӕй 98 ног рынчыны, фехъусын кодта республикӕйы сӕйраг санитарон дохтыр Коцты Марина.

Коронавирусы ныхмӕ хостӕ - Sputnik Хуссар Ирыстон
Хуссар Иры хицауад рахицӕн кодта ӕхца коронавирусы ныхмӕ хостӕн

Сентябры ӕмбисӕй коронавирусӕй фӕрынчын сты 678 адӕймаджы. Дӕсгай адӕм ныридӕгӕн сӕнӕниз сты. Республикӕйы ӕхсӕз адӕймаджы амардысты вирусон пневмонийӕ, фӕлӕ амӕттӕгтӕй алкӕмӕндӕр не сбӕрӕг кодтой коронавирус.

"Ӕртыццӕджы райсомы бӕрӕггӕнӕнтӕм гӕсгӕ, республикӕйы рабӕрӕг кодтой коронавирусӕй 98 ног рынчыны", - загъта Коцты Марина.

Амӕй размӕ Хуссар Ирыстоны сӕйраг реаниматолог Плиты Александр банымадта уавӕр "иттӕг уӕззауыл", ӕмӕ банысан кодта, рынчындӕтты кӕй нал ис бынат алкӕцы пациентӕн.

Уыимӕ иумӕ, республикӕйы сӕвӕрдзысты УФ Хъахъхъӕнынады министрады ӕфсӕддон-быдырон госпиталь, кӕцы исдзӕн уӕззау рынчынты.

Ног хабӕртты лентӕ
0