02:21 18 ЗÆРДÆВÆРÆНЫ МÆЙ
 2021
Комкоммӕ эфир
  • EUR89.66
  • USD73.85
Хуссар Ирыстоны
Чысыл дӕнцӕг
68 0 0

Габайты Владимир ПТРК "ИР"-ы кусын райдыдта 2011 азы ӕмӕ цыбыр рӕстӕгмӕ балхӕдта телекӕсджыты зӕрдӕтӕ, дæс азы дæргъы уый у иууыл популярондæр телеамонджытæй иу, райста æхсæнадæмон конкурсты хорзæхтæ

ЦХИНВАЛ, 19 янв — Sputnik, Плиты Фатимæ. Зындгонд телеамонӕг, Хуссар Иры телеуынынады популярондæр алӕвӕрд "Путешествие по родному краю"-йы автор Габайты Владимир дыццӕджы нысан кӕны йӕ 80-азон юбилей.

Юбилярыл ивгъуыд азы кæрон бахæцыд коронавирус, фæлæ ныридæгæн цæттæ у ног тыхтимæ куыст сцайдагъ кæнынмӕ.

"Коронавирусæй æвзæрдæр низ никуы федтон – 20 боны реанимацийы уыдтæн. Фæлæ ныр сфидар дæн. Абон цæттæ дæн уазджытæ исынмæ. Тырнын куыстмæ. Ахæм боныгъæды оператортæ дæр зивæг кæныц исын. Фæлæ хур бон æнæмæнг абалц кæндзыстæм искуыдæм", - радзырдта Sputnik юбиляр.

Владимир Николайы фырты ныхæстæм гæсгæ, фыццаг рады уал йæ хъусдард аздахдзæн дæттæм.

"Ӕрæджы Фарны хъӕуы (раздӕры Недлат) ӕрцахстой сæгуыт æмæ уый систон, стæй йæ радтам Знауыры районы Балтайы тобæгонд зонæйы хистæрмæ. Ивгъуыд азы цæугæдæттæ ныгыццыл сты, суадæттæ басур сты æмæ кæцыдæр цæрæгойтæ фесæфтысты. Ныр дзы кæмдæрты дон фæзынд æмæ мæ фæнды сбæрæг кæнын, цард дæр дзы фæзынд æви нæ", - бафтыдта уый.

Габаев
Из личного архива В.Габаева

Габайты Владимиры алæвæрдтæ паддзахадон телеуынынады эфиры дзурынц æрвылбонон фæзындтыл, республикӕйы рӕсугъд флорӕ ӕмӕ хъӕздыг фаунӕйы тыххӕй.

Алæвæрды æнтыстытæ бирæбæрцæй баст сты уыимæ, æмæ 80-аздзыд биолог-географ нæ тæрсы зын фæндæгтыл цæуын, цæмæй фото- æмæ телекамерæйыл сиса радон алæвæрды цымыдисон сюжет. Ахæм балцытæн хъæуы егъау тыхтæ æмæ фæразондзинад, уымæн æмæ фистæгæй бирæ бахъæуы цæуын, ӕмӕ Владимир Николайы фырт, йӕ кармӕ ӕнӕкӕсгӕйӕ, йӕ куыст ӕнувыдӕй уарзгӕйӕ, Ирыстоны къуымтӕй куы кӕм балӕууы, куы та кӕм.

Габайты Владимир телеуынынады кусын райдыдта 2011 азы ӕмӕ цыбыр рӕстӕгмӕ балхӕдта телекӕсджыты зӕрдӕтӕ, ссардта йӕхи уӕрӕх аудитори, дæс азы дæргъы уый у "ПТРК" иууыл популярондæр телеамонджытæй иу. Йæ алæвæрдтæй кæцыдæртæ райстой æхсæнадæмон премитæ.

Сӕйраг темӕтӕ