Хъӕууон хӕдзарады ног министр радзырдта фыццаджы къахдзӕфты тыххӕй ацы аз

© Sputnik / Наталья АйриянМӕргъиты Алан
Мӕргъиты Алан - Sputnik Хуссар Ирыстон, 1920, 05.03.2021
Рафыссын
Уагдоны сӕргълӕууӕджы бынаты йӕ фыццаг пресс-конференцийыл Мӕргъиты Алан радзырдта хъӕууон хӕдзарады уавӕр ӕмӕ фыццаджы нывӕзтыты тыххӕй

ЦХИНВАЛ, 5 мар - Sputnik, Гӕбӕраты Элина. Тауыны компани гъӕдджынӕй ауадзын ӕмӕ ног техникӕ эсплуатацимӕ бакӕнын суыдзысты фыццаджы здӕхтытӕ, кӕцытыл хъӕууон хӕдзарады министрад кусдзӕн ацы аз. Уый тыххӕй пресс-конференцийы рӕстӕджы Цхинвалы фехъусын кодта уагдоны сӕргълӕууӕг Мӕргъиты Алан.

Мӕргъиты Аланы снысан кодтой Хуссар Ирыстоны хъӕууон хӕдзарады министры хӕстӕ ӕххӕстгӕнӕгӕй февралы райдайӕны, уый размӕ уый уыд паддзахадон ветеринарон ӕмӕ фитосанитарон цӕстдарды комитеты сӕрдар.

"Фыццаджыдӕр, мах нывӕндӕм гъӕдджынӕй ауадзын тауыны компани, уый фӕстӕ та рӕстӕгыл бацӕттӕ кӕнын ӕфснайынмӕ. Уыимӕ иумӕ, мах кусдзыстӕм, цӕмӕй ӕрбаздахӕм хъӕууон хӕдзарадон архайдмӕ ног техникӕ, кӕцы нын балӕвар кодтой", - банысан кодта Мӕргъиты Алан.

Мӕргъиты Алан - Sputnik Хуссар Ирыстон, 1920, 01.02.2021
Бибылты Анатолий раивта Хуссар Иры хъӕууон хӕдзарады министры
Министры хӕстӕ ӕххӕстгӕнӕг бахахх кодта, ног техникӕйыл нырма кӕй хъуамӕ ахуыр кӕной специалисттӕ, кӕцытӕ йыл кусдзысты.

"Афтӕ ма мах фӕнды ауадзын зонадон конференци хъӕууон хӕдзарады фарстыты фӕдыл, цы ран ӕрныхас кӕндзысты фадыджы райрӕзты ахсджиаг фарстытыл ӕмӕ сӕ аскъуыддзаг кӕныныл", - загъта Мӕргъиты Алан.

Министры хӕстӕ ӕххӕстгӕнӕджы ныхӕстӕм гӕсгӕ, фидӕны кӕй адарддӕр кӕндзысты куыст уӕрӕсейаг коллегӕты фӕлтӕрддзинад райсыны фӕдыл.

Ног хабӕртты лентӕ
0