"Водоканал"-ы радзырдтой Цхинвалы донимæ проблемæйы аххосæгты тыххӕй

© Sputnik / Константин Чалабов /  Ахизын медиабанкмæ"Водоканал"-ы радзырдтой Цхинвалы доны уавӕры тыххӕй
Водоканал-ы радзырдтой Цхинвалы доны уавӕры тыххӕй - Sputnik Хуссар Ирыстон, 1920, 19.04.2021
Рафыссын
Дон нӕ хӕццӕ кӕны столицӕйы централон хайы бирӕфатерон хӕдзӕртты бӕрзонд уæладзгуытӕм, уый æвзарын кæны цæрджытæн зынвадæттæ

ЦХИНВАЛ, 19 апр - Sputnik, Плиты Фатимӕ. Хуссар Ирыстоны столицæйы Кочысаты Роза (раздӕры Заводы) ӕмӕ Нӕузӕххонты уынгтыл тыхсынц нуазыны доны цухдзинадæй. Доны тых кӕй фӕкъаддӕр, уый тыххӕй бӕрзонддӕр уӕладзгуытӕм нӕ хӕццӕ кӕны,   радзырдта Sputnik паддзахадон унитарон уагдон "Водоканал"-ы директоры хӕдивӕг Джиоты Инга.

Хуссар Иры столицæйы фæхуыздæр ис доны уавæр - Sputnik Хуссар Ирыстон, 1920, 14.04.2021
Ацы уалдзӕджы ӕнӕ графикӕй: Хуссар Иры столицæйы фæхуыздæр ис нуазыны доны уавæр

Ацы проблемӕйы тыххӕй фыссынц социалон хызӕгты пайдагӕнджытӕ дæр.

"Столицӕмӕ хорз хӕццӕ кӕны дон. Проблемӕтӕ фӕзынд, Кочысаты Роза ӕмӕ Нӕузӕххонты уынгтыл бирӕфатерон хӕдзӕртты бӕрзонд уӕладзгуытыл чи цӕры æмæ сӕрмагонд насостӕ кӕмæн нӕй, уыдонӕн", - загъта уый.

"Водоканал"-ы ныхӕстӕм гӕсгӕ, цӕмӕй доны тых фӕфылдӕр уа, уый тыххӕй хъӕуы баиу кӕнын гом донхахх, уый та сæзмӕнтдзӕн дон иууылдæр.

"Уалдзӕгӕй июны онг гом доны хæххытыл фæцӕуы чъизи дон ӕмӕ сӕ ахицӕн кæнæм магистралон хаххӕй. Мах дон фӕфылдӕры тыххӕй чъизи дон куы баиу кӕнӕм, уӕд ӕгас горӕт райсдзысты змӕст дон", - бамбарын кодта Джиоты Инга.

Ног хабӕртты лентӕ
0