07:14 04 МАЙРÆМТЫ МÆЙ 2021
Комкоммӕ эфир
  • EUR86.56
  • USD72.87
Хуссар Ирыстоны
Чысыл дӕнцӕг
3 0 0

Скъоладзауты базонгӕ кодтой хъӕдӕрмӕгыл зынгӕй ныв кӕныны фӕтктӕ ӕмӕ техникӕимӕ, афтӕ ма сын зӕрдыл ӕрбалӕууын кодтой ӕдасдзинады фӕтктӕ пирографимӕ куысты рӕстӕджы

ЦХИНВАЛ, 19 апр — Sputnik, Хъуылымбегты Зӕлинӕ. Цхинвалы ӕвзонг техникты станцы кусджытӕ къуырисӕры ауагътой столицӕйы скъолатӕй иуы ахуырдзаутӕн мастер-класстӕ хъӕдӕрмӕгыл зынгӕй ныв кӕнынӕй.

Ӕвзонг техникты станцы иугондты разамонджытӕ ауагътой фӕндзӕм астӕуккаг скъолайы 15 дыккагкъласонӕн экскурси кружоктыл. Уый фӕстӕ скъоладзауты фӕхуыдтой ӕрмадзмӕ, цы ран организатор ӕмӕ кружокы ахуыргӕнӕг хъӕдӕрмӕгыл зынгӕй ныв кӕныны фӕдыл Икъоты Светлана базонгӕ кодта сывӕллӕтты хъӕдӕрмӕгыл зынгӕй ныв кӕныны техникӕ ӕмӕ фӕткимӕ. Афтӕ ма сын специалист зӕрдыл ӕрбалӕууын кодта ӕдасдзинады фӕтктӕ пирографимӕ куысты рӕстӕджы.

Мастер-класс по выжиганию в станции юных техников
© Sputnik / Залина Кулумбегова
Цхинвайлаг скъоладзаутӕн равдыстой хъӕдӕрмӕгыл зынгӕй ныв кӕныны бындуртӕ

Уый фӕстӕ сывӕллӕттӕн байуӕрстой фӕйнӕджытӕ алыгъуызон хуызисттимӕ, ӕмӕ уыдон зӕрдиагӕй бавнӕлдтой куыстмӕ.

"Мах арӕх бацӕуӕм ӕвзонг техникты станцмӕ – сывӕллӕтты зӕрдӕмӕ уый тынг цӕуы. Уыдон ахуыр кӕнынц дӕсниад ӕмӕ зонгӕ кӕнынц сӕ адӕмы культурӕимӕ. Мах бузныг стӕм мастер-кластты организатортӕ Икъоты Светлана ӕмӕ Цхуырбаты Ролланӕн сӕ хъарм ахасты тыххӕй", - банысан кодта фӕндзӕм скъолайы ахуыргӕнӕг Бестауты Татьяна.

Амӕйразмӕ "Хъӕдӕрмӕгыл зынгӕй ныв кӕныны" кружокы ахуырдзаутӕ бабӕрӕг кодтой нывгӕнӕг-пирограф Коцты Дженнийы ӕрмадз, цы ран сын уый равдыста йӕ фӕлтӕрддзинад.

Сӕйраг темӕтӕ