Нырма ӕрмӕстдӕр профилактикӕ: Коцты Марина Хуссар Иры арӕнӕвӕрдтӕ бакӕныны тыххӕй

© Sputnik / Natalia AiriyanЦхинвал
Цхинвал - Sputnik Хуссар Ирыстон, 1920, 22.06.2021
Рафыссын
Югосетпотребнадзоры сӕргълӕууӕг загъта йӕ хъуыды Уӕрӕсейы коронавирусӕй рынчынты нымӕцы фӕфылдӕры тыххӕй ӕмӕ загъта, куыд бандавдзӕн уый республикӕйы эпидемиологон уавӕрыл

ЦХИНВАЛ, 22 июн — Sputnik, Козаты Диана. Хуссар Ирыстоны сӕйраг санитарон дохтыр Коцты Марина банымадта республикӕйы эпидемиологон уавӕр стабилоныл. Уыимӕ иумӕ уый банысан кодта, Югосетпотребнадзоры сӕ хъус дарынц Уӕрӕсейы коронавирусӕй рынчынты нымӕцы фӕфылдӕрмӕ.

Уӕрӕсейы ӕрвылбон фылдӕр кӕнынц коронавирусӕй рынчынтӕ. Премьер-министр Михаил Мишустин фехъусын кодта, бӕстӕйы коронавирусы апарахаты уавӕр кӕй у уӕззау.

"Ныртӕккӕ эпидемиологон уавӕр Хуссар Ирыстоны территорийыл у стабилон. Фӕлӕ Уӕрӕсейы фылдӕр кӕны коронавирусӕй рынчынты нымӕц, ӕмӕ махӕн та ӕддагон дунеимӕ бастдзинад ис ӕрмӕстдӕр Уӕрӕсейы уылты. Ныр у отпуск ӕмӕ каникулты рӕстӕг, нӕ ӕмбӕстӕгтӕ ацӕуынц, гӕнӕн ис фӕрынчын уой ӕмӕ афтӕмӕй ӕрыздӕхой", - загъта Югосетпотребнадзоры сӕргълӕууӕг.

Коцты Марина банысан кодта, уый хынцгӕйӕ республикӕйы дӕр гӕнӕн ис кӕй фӕфылдӕр уа коронавирусӕй рынчынты нымӕц.

© Sputnik / Наталья АйриянКоцты Марина
Нырма ӕрмӕстдӕр профилактикӕ: Коцты Марина Хуссар Иры арӕнӕвӕрдтӕ бакӕныны тыххӕй - Sputnik Хуссар Ирыстон, 1920, 22.06.2021
Коцты Марина

"Уый фӕдыл хъӕуы ӕрымысын профилактикӕйы мадзӕлттӕ – маскӕты режим, массон мадзӕлттӕм ма цӕуын, хисӕрмагонд гигиенӕ. Мах хъуамӕ алцыдӕр саразӕм, цӕмӕй ма февзӕрдӕр уа эпидемиологон уавӕр", - бахахх кодта сӕйраг санитарон дохтыр.

COVID-19  - Sputnik Хуссар Ирыстон, 1920, 22.06.2021
Хуссар Иры коронавирус иу суткӕмӕ бахӕцыд фондз адӕймагыл - "Югосетпотребнадзор"

Коцты Марина фидарӕй загъта, уагдон кӕй мониторинг кӕны уавӕр ӕрвылбон, ӕмӕ куы бахъӕуа, уӕд бакӕндзысты карантинон арӕнӕвӕрдтӕ.

Уыймӕ дарддӕр, уагдоны сӕргълӕууӕг ӕрсидт адӕммӕ, цӕмӕй саразой вакцинӕтӕ.

Коронавирусимӕ уӕззау уавӕр ис Цӕгат Ирыстоны дӕр. Регионы сӕргълӕууӕджы хӕстӕ ӕххӕстгӕнӕг Сергей Меняйло ӕрбалӕууын кодта республикӕйы цӕрджыты зӕрдӕтыл, кӕй хъӕуы саразын вакцинӕ ӕмӕ ӕххӕст кӕнын санитарон нормӕтӕ – кӕд ӕмӕ сӕ нӕ фӕнды ӕрыздӕхын карз карантинон мадзӕлттӕ.

"Кӕд уавӕр февзӕрдӕр уа, уӕд мах ӕрвитдзыстӕм республикӕмӕ ӕрцӕуӕггӕгты дыууӕкъуырион карантинмӕ. Мах нӕ фӕнды бакӕнын арӕнӕвӕрдтӕ, фӕлӕ мадзӕлттӕ хъӕуы исын ерын, цӕмӕй коронавирус ма апарахат уа", - бахахх кодта Меняйло.

Хуссар Ирыстоны дыццӕджы сбӕрӕг кодтой фондз ног рынчыны коронавирусӕй.

Ног хабӕртты лентӕ
0