17:53 19 КÆФТЫ МÆЙ
 2021
Комкоммӕ эфир
  • EUR82.68
  • USD70.97
Хуссар Ирыстоны
Чысыл дӕнцӕг
15 0 0

Арӕзтад уагъд цӕуы Гаглойты Хазбийы уынгыл (раздӕры Тельманы уынг). Раздӕр ацы бынаты уыд Зӕронд Цхинвалы рӕсугъддӕр бӕстыхӕйттӕй сӕ иу, цы ран советон дуджы уыд Облпотребсоюз

ЦХИНВАЛ, 25 июн — Sputnik, Хъылымбегты Азӕмӕт. Хуссар Ирыстоны столицӕйы раздӕры Облпотребсоюзы бӕстыхайы бынаты райдыдта сывӕллӕтты хъазӕн фӕзуаты арӕзтад, фехъусын кодта Sputnik горӕты администрацийы хӕрзарӕзтады хайады директор Габуты Инал.

Бӕстыхай, кӕцы арӕзт ӕрцыд XIX ӕнусы, ныппырх кодтой 2019 азы фӕззӕджы. Ӕхсӕнад ӕмӕ Культурӕйы министрады цыртдзӕвӕнты хъахъхъӕныны хайад дзырдтой, цӕмӕй бӕстыхай сконсерваци кӕной ӕмӕ уый фӕстӕ та среставраци кӕной, фӕлӕ хициауад аскъуыддзаг кодта ныппырх кӕнын бӕстыхай йӕ аварион уавӕры тыххӕй.

Администрацийы куыд банысан кодтой, афтӕмӕй, сывӕллӕтты фӕзуатыл уыдзысты хъазӕн агрегаттӕ, бандӕттӕ улӕфынӕн.

"Уыдзӕн ма дзы цъӕх зонӕ. Куыстытӕ хъуамӕ фӕуой ацы аз", - загъта Габуты Инал.

Йӕ ныхӕстӕм гӕсгӕ, сывӕллӕтты фӕзуаты арӕзтадӕн фӕрӕзтӕ рахицӕн кодтой президентон фондӕй.

Арӕзтады фӕзуат у 450 квадратон метры. Ныртӕккӕ уагъд цӕуынц цӕттӕгӕнӕн куыстытӕ.

Сӕйраг темӕтӕ