07:56 01 МАЙРÆМТЫ МÆЙ 2021
Комкоммӕ эфир
  • EUR86.99
  • USD73.14
Хуссар Ирыстоны
Чысыл дӕнцӕг
3510

Сырх, науӕд та канадӕйаг тулдз нымад цӕуы рӕсугъддӕр бӕлӕстӕй иуыл. Уымӕй размӕ дӕр ма Хуссар Иры ныссагътой сырх тулдзытӕ, фӕлӕ баххус сты, ныр ацы талатӕ рӕзынц хорз

ЦХИНВАЛ, 1 июл — Sputnik, Плиты Фатимӕ. Хуссар Ирыстоны столицӕйӕ Ленингоры районы рдӕм трассӕгӕрон нысагътой сырх тулдзы фондз мин талайы. Сырх тулдзы мыггаг ӕрластой Цӕгат Ирыстонӕй, фехъусын кодта Sputnik хъӕды хӕдзарады управленийы разамонӕджы хӕдивӕг Къӕбулты Инал.

"Талатӕ садзыны хъуыддаджы архайдтой хӕдзарады кусджытӕ се 'ппӕт дӕр - 38 адӕймаджы куыстой дӕс боны дӕргъы", - загъта уый.

Специалисты ныхӕстӕм гӕсгӕ, уыдон ӕмгуыст кӕнынц Дзӕуджыхъӕуы таладонтӕй иуимӕ.

"Фарон нын уыдон лӕварӕй радтой иу мин талайы, ацы аз ног парти бакодтам ӕлхӕнгӕ. Уымӕй размӕ ма ныссагътам сусхъӕд", - бафтыдта Къӕбулты Инал.

Уый банысан кодта, уымӕй размӕ Хуссар Иры цы сырх тулдзытӕ ныссагътой, уыдон кӕй баххус сты, фӕлӕ ныр ацы талатӕ рӕзынц хорз.

Сырх, науӕд та канадӕйаг тулдз нымад цӕуы рӕсугъддӕр бӕлӕстӕй иуыл.

Сӕйраг темӕтӕ