Ӕнæхицау: Цхинвалы Стыр парчы чысыл фыдбылызтӕ

© Sputnik / Фатима ПлиеваСтыр парк
Стыр парк - Sputnik Хуссар Ирыстон, 1920, 03.08.2021
Рафыссын
Стыр парчы фауинаг ӕууӕлты хсӕн ис егъау дзыхъхъ, кӕцыйы сӕрибарӕй ныхаудзӕн саби дӕр, уымӕй дарддӕр ма адӕм хъазт кӕнынц улӕфӕн зонӕйы рухсытӕй, ауӕзты доны ӕмӕ зӕлды цухдзинадтӕй

ЦХИНВАЛ, 3 авг – Sputnik, Плиты Фатимӕ. Цхинвалы столицӕйы Стыр парк йӕ сарӕзты фӕстӕ ссис цӕрджыты уарзон бынат, фӕлӕ стыр улӕфӕн бынаты мидӕг ис бирӕ фыдбылызтӕ.

"Паркы бандоны тӕккӕ фӕстӕ ныр цалдӕр къуыри ис стыр дзыхъхъ, доны дзы лӕдӕрсы. Уый у ӕнӕхъусдард, саби дзы сӕрибарӕй ныххаудзӕн. Ӕнӕмӕнг дзы хъуамӕ фыдбылыз ӕрцӕуа" ,- радзырдта Sputnik горӕты цӕрӕг Коцты Аида.
© SputnikСтыр парк
Ӕнæхицау: Цхинвалы Стыр парчы чысыл фыдбылызтӕ - Sputnik Хуссар Ирыстон, 1920, 03.08.2021
Стыр парк

Улӕфӕн зонӕйы цухдзинадтыл арӕх ӕрдзурынц социалон хызӕгты дӕр. Уым фӕхъаст кӕнынц цы бӕлӕстӕ дзы ныссагътой ирон-сириаг хӕларады нысанӕн, уыдон ӕнӕркастӕй кӕй хус кӕнынц, уый тыххӕй.

Стыр парк - Sputnik Хуссар Ирыстон, 1920, 22.06.2021
Давынц дидинджытӕ, сӕттынц рухсытӕ: вандалты къухвӕд Цхинвалы "Стыр парчы"

Фӕсивӕдмӕ дӕр ис сӕхи фауинӕгтӕ.

"Нӕбары рухсытӕ сафынц парчы ӕддаг бакаст, дӕттынц тар рухс. Иутӕ та бынтондӕр нӕ кусынц. Ӕз нымайын улӕфӕн зонӕйы хъуамӕ уа музыкӕ дӕр",- загъта ӕвзонг лӕппу Дыгъуызты Уырызмӕг.

Парк нырма не 'рцыд лӕвӕрд эксплуатацимӕ, зӕлдӕй нӕ баххӕст кодтой улӕфӕн зонӕ, проблема ис йӕ ауӕзтимӕ, адӕм фаутӕ хӕссынц йӕ рухсытӕм ӕмӕ музыкайӕ цухдзинадмӕ.

© SputnikСтыр парк
Ӕнæхицау: Цхинвалы Стыр парчы чысыл фыдбылызтӕ - Sputnik Хуссар Ирыстон, 1920, 03.08.2021
Стыр парк

Нӕу бӕрӕг йӕ бардарӕг дӕр - горӕты администраци нырма объект йӕ дӕлбар нӕ райста, арӕзтады министрад зӕгъы, нардуатон организаци йӕ хӕс кӕй сӕххӕст кодта нывӕзтмӕ гӕсгӕ.

"Рахицӕнгонд фӕрӕзты фӕлгӕтты арӕзтадон организаци сӕххӕст кодта йӕ хӕс, фӕлӕ уый фаг нӕу, цӕмӕй ӕххӕст гуырахстӕй куса. Ныридӕгӕн документтӕ сты горӕты администрацийы, цӕуы горӕты администрацийы балансмӕ адӕттыны процесс", - фехъусын кодта Sputnik арӕзтады министры хӕдивӕг Гаглойты Сергей.

Стыр парчы проблематӕ сӕ бӕрны нӕ кӕнынц горӕты администраци дӕр. Пресс-службӕйы хъусинагмӕ гӕсгӕ, уыдон Нырма Стыр парк нӕ райстой сӕ дӕлбар.

Столицӕйы сӕйраг доны артери - Леуахийы донбылгӕрон зонӕ Советон дугӕй у уарзон улӕфӕн бынат. Ног дуджы йӕ хӕрзарӕзтад цыд цалдӕр азы дӕргъы, ам куыста арӕзтадон организаци "Цхинвальская строительная организация", йӕ арӕзтадӕн хицӕн ӕрцыд 33, 5 милуан сомы.

Ног хабӕртты лентӕ
0