ЦХИНВАЛ, 30 янв— Sputnik. Тыбылты Алыскандры номыл Хуссар Ирыстоны Паддзахадон университет æмæ Кутафины номыл Мæскуыйаг паддзахадон юридикон университет бафыстой сразыдзинад академион æмæ зонадон æмгуыстады фæдыл, хъусын кæны УФ-йы уæвæг Хуссар Ирыстоны минæварады пресс-службæ.
Дипломатон уагдоны куыд банысан кодтой, афтæмæй хуссарирыстойнаг фарсæй сразыдзинад бафыста ХИПУ-ы ректор Тедеты Вадим. Уæрæсейы æрдыгæй та – МПЮА-йы ректор Виктор Блажеев.
Сразыдзинад рагхыгъд кæны иумæйаг зонадон иртасæнты организаци, ахуырадон проекттæ æмæ ахуырадон программæты реализаци, иумæйаг зонадон конференцитæ, семинартæ æмæ æндæр зонадон-методикон мадзæлттæ уадзын, нывæзтон зонадон конференциты, симпозиумтæ æмæ æндæр зонадон æмæ зонадон-методикон мадзæлтты хайадист, уыцы мадзæлттæм сæ минæвæртты æрвитын, фарсыты зонадон мыхуыры фæрæзты профессорон-ахуырадон сконды, магистрантты, аспирантты æмæ докторантты уацтæ мыхуыр кæнын.
Афтæ ма документмæ гæсгæ, дыууæ уæлдæр ахуырадон уагдæтты базæйыл ис фадат ХИПУ-ы ахуырадон скондæн, афтæ ма Хуссар Ирыстоны барадхъахъхъæнæг органты кусджытæн æмæ æндæр министрæдтæ æмæ ведомствæты минæвæрттæн уæлæмхас профессионалон ахуырады программæтæ среализаци кæнын (кадрты квалификаци фæбæрзонддæр кæнын).