ЦХИНВАЛ, 19 фев — Sputnik. Цхинвалы 18 февралы æрцыд фæндагон-транспортон цау (ФТЦ) дыууæ рог машинæйы хайадистæй, хъусын кæнынц МХМ-ы пресс-службæйы.
Авари æрцыд Цхинвалы 20:45 сахатыл, ВАЗ-21099 маркæ машинæйы шофыр рахызт змæлды ныхмæдзог хахмæ æмæ сæмбæлд "Приора"-йыл.
"Аварийы фæстиуæгæн дыууæ шофыры æмæ пассажиры фæхæццæ кодтой республикон соматикон рынчындонмæ", — дзырдæуы хъусинаджы.
Ивгъуыд къуыри МХМ автоинспекцийы кусджытæ срегистраци кодтой фæндагон змæлды уагæвæрды 238 фехæлды, уыдонæй 6 — автотранспорт нозтджынæй скъæргæйæ.