ЦХИНВАЛ, 20 фев — Sputnik. Хуссар Ирыстоны ивгъуыд суткæйы æрцыд дыууæ фæндагон-транспортон цауы (ФТЦ), зиан баййæфта иу адæймаг, хъусын кæны дыццæджы рсепубликæйы МХМ-ы пресс-службæ.
Фыццаг авари æрцыд Цхинвалы: Харебаты Исахъхъы æмæ Хъайтарты уынгты алвæндагыл сæмбæлдысты дыууæ рог машинæйы. "Тойота Камри"-йы шофыр — 28-аздзыд цхинвайлаг сылгоймаг – фехæлдта фæндагон змæлды уагæвæрд æмæ сæмбæлд "Приора"-имæ.
"Приора"-йы шофыр бахауд республикон рынчындонмæ, цы ран ын сæвæрдтой диагноз – сæрымагъзы æнкъæуыст.
Ноджы ма иу фæндагон фыдбылыз æрцыд Цхинвал-Знауыр фæндаджы 14-æм километрыл. ВАЗ-2109-ы шофыр — Терегуаны хъæуы 39-аздзыд цæрæг — нæ сырæхст машинæ скъæрын, уый фæстиуæгæн йæ машинæ рахызт змæлды ныхмæдзог хахмæ æмæ фæфæлдæхт.
МХМ-ы куыд банысан кодтой, афтæмæй шофыр уыд нозтджын.