ЦХИНВАЛ, 27 мар — Sputnik, Гæбæраты Ян. Паддзахады фидæны фæдыл бæрндзинадæн нæй æвæрæн æрмæст бæстæйы къухдариуæгадыл – хицауад æмæ фæсивæд хъуамæ æрбангом кæной сæ тыхтæ, загъта президент Бибылты Анатолий Хуссар Ирыстоны паддзахадон университеты студенттимæ фембæлды рæстæджы.
"Нæй дих кæнæн бæстæйы къухдариуæгад æмæ фæсивæдæн æмæ нæй æвæрæн бæрндзинад æрмæст иу фарсыл. Паддзахад æмæ æвзонг фæлтæр куы æрбаиу кæной сæ тыхтæ, уæд сæ ницы зындзинæдтæ бауромдзысты", — загъта президент.
Университеты ректор Тедеты Вадим раарфæ кодта фæсивæдæн студентон советы сырæзты фæдыл æмæ равдыста ныфс, студентон хиуынаффæйад кæй уыдзæн ахъаз ахуырадон процесс фæхуыздæр кæнынæн.
"Ис ахæм амонджытæ — нæ амондæн уыдон нымæц чысыл у – кæцытæ ницы зонындзинæдтæ дæттынц ахуырдзаутæн. Ныфс мæ ис, студенттимæ иумæ мах кæй рараст кæндзыстæм ацы уавæр", — банысан кодта ректор.
Президенты цæст Студентон советы разамонæг Габатты Альбертæн бауарзта æнтыстытæ ацы бынаты æмæ æрсидт студенттæм, цæмæй уой амбициозон æмæ хынцой сæ роль паддзахады царды.
"Сымах стут уыцы адæм, кæцытæ амайынц бæстæйы фидæн. Мæн фæнды, цæмæй алыхатт дæр тырнат ног бæрзæндтæм æмæ макуы бакомат сæттын", — загъта уый.
Фембæлды кæронбæттæны президент æмæ университеты ректор дзуаппытæ раттой студентты фарстытæн æмæ радзырдтой историтæ се 'взонджы бонтæй.