ЦХИНВАЛ, 29 мар — Sputnik. Хуссар Иры МХМ-ы криминалон милицийы кусджытæ æрцахстой Цхинвалы 23-аздзыд цæрæджы, кæцымæ басгæрсты рæстæджы ссардтой тобæгонд буарад "насвйа", хъусын кæны барадхъахъхъæнæг ведомствæйы пресс-службæ.
МХМ-ы куыд банысан кодтой, афтæмæй æрыгон лæппуйы æрцахстой паддзахадон автоинспекцийы стационарон посты цур Гуфтайы хъæуы (Хуссар Ирыстоны Дзауы район).
"Ӕмбæстаджы хисæрмагонд басгæрсты рæстæджы ссардæуыд цыппар тыхтоны тар-цъæх буарадимæ, кæцы экспертизæйы бæрæггæнæнтæм гæсгæ у тобæгонд буарад "насвай", — дзырдæуы хъусинаджы.
Ӕууилгæ тамако "снюс", "насвай" æмæ æндæр ӕнгӕс буарадты æрбаласт, æлхæнын, уæй кæнын æмæ спайда кæныныл тобæ сæвæрыны фæдыл закон Хуссар Ирыстоны парламент райста 2016 азы марты.
Фæткхалджытæ фиддзысты ивар 20-150 мин сомы, кæнæ дыууæ мæйы æмгъуыдмæ баконд æрцæудзысты ахæстоны тобæгонд тамако парахат кæныны тыххæй.