ЦХИНВАЛ, 18 апр — Sputnik. Хуссар Ирыстоны Мидхъуыддæгты министрады кусджытæ ссардтой Цхинвалы 46-аздзыд цæрæгмæ гæн, наркотиктæ ссардтой йæ автомашинæ "Toyota Corolla"-йы, кæцы æрурæдтой Дзауы районы Уанелы хъæуы басгæрсты тыххæй, хъусын кæны барадхъахъхъæнæг ведомствæйы пресс-службæ.
Хъусынгæнинаджы нысан цæуы, зæрдæхсайгæ буарадимæ тыхтон кæй ссардæуыд машинæйы раззаг бадæнты æхсæн.
Эксперттæ сбæлвырд кодтой, тыхтоны кæй ис 7,75 граммы бæрц наркотикон буарад "гæн".
МХМ-ы ма банысан кодтой, ноджы ма дыууæ тыхтоны гæнимæ мидхъуыддæгты министрады кусджытæ кæй ссардтой Цхинвалы районы Къостайы хъæуы хæдзæрттæй иуы басгæрсты рæстæджы.
"Ацы адресыл цæрæг 31-аздзыд æмбæстаджы ныхæстæм гæсгæ, дыууæ гæххæттæй тыхтонтæ хицау у уый", — банысан кодтой МХМ-ы.
Эксперттæ-криминалисттæ куыд сбæлвырд кодтой, афтæмæй тыхтоны уыд 2,5 граммы наркотикон буарад "гæн".
Дыууæ æмбæстагмæ дæр зæрдæ æхсайы наркотикты æнæзаконон реализацимæ.