ЦХИНВАЛ, 17 май — Sputnik. Ирыстойнаг олимпиаг чемпион Рӕмонаты Сослан рамбылдта сыгъзӕрин майдан уӕгъдибар хъӕбысхӕстӕй ӕфсӕддонты хсӕн дунейон чемпионаты, хъусын кӕны Wrestrus.ru.
Спортсмен хӕцыд 70 килограммы уӕзы категорийы, финалы Рӕмонаты Сослан 12:5 хыгъдӕй рамбылдта Александр Семисоровы Германийӕ.
Афтӕ ма фыццаг къӕпхӕнмӕ 74 килограммы уӕзы схызт ӕндӕр ирон богал — Сидахъты Зауыр.
Ӕфсӕддонты хсӕн дунейон чемпионат уӕгъдибар хъӕбысхӕстӕй райдыдта Мӕскуыйы дыццӕджы, ерысты хайад райстой 400 богалы 22 бӕстӕйӕ.