ЦХИНВАЛ, 29 июн — Sputnik. Ирыстойнаг спортсменкӕ Хуыбылты Ирэна рамбылдта сыгъзӕрин майдан Европӕйы чемпионаты дзюдойӕ, хъусын кӕны Цӕгат Ирыстоны спорты министрады пресс-службӕ.
Европӕйы чемпионат дзюдойӕ лӕппутӕ ӕмӕ чызджыты хсӕн 18 азы кары цӕуы Босни ӕмӕ Герцеговинӕйы столицӕ — Сараевойы.
Ерысты хайад исынц 400 спортсменӕй фылдӕр Европӕйы 42 бӕстӕйӕ.
"Европейаг рейтингы лидер Хуыбылты Ирэна схызт фыццаг къӕпхӕнмӕ 48 килограммы уӕзы, финалы рамбылдта италиаг спортсменкӕйы", — банысан кодтой пресс-службӕйы.
Ирон спортсменкӕйы тренер у Касойты Станислав.