ЦХИНВАЛ, 25 июн — Sputnik. Ирыстойнаг спортсмен Кокайты Сослан рамбылдта ӕвзист майдан юниорты хсӕн Уӕрӕсейы чемпионаты уӕзисынӕй, хъусын кӕны Цӕгат Ирыстоны спорты министрады пресс-службӕ.
Ерысты хайад истой 160 тыхджындӕр уӕзисӕджы 43 регионӕй.
"Кокайты Сослан схызт дыккаг къӕпхӕнмӕ 105 килограмм уӕзы категорийы ӕмӕ систа иумӕйагӕй 379 килограмм (174 ӕмӕ 205). Спортсмены тренертӕ сты Наниты Руслан ӕмӕ Алан, Ӕлборты Ирбег", — дзырдӕуы хъусинаджы.
Уӕрӕсейы чемпионат уӕзисынӕй 24 аздзыд юниорты хсӕн цыд 18–25 июны горӕт Салаваты (Башкири).
