ЦХИНВАЛ, 5 июл — Sputnik. Уӕрӕсейы Мидхъуыддӕгты министрады (МХМ) уӕлдӕр ахуыргӕнӕндӕтты студенттӕн ис фадат сӕ теоретикон зонындзинӕдтӕй спайда кӕнын практикӕйы рӕстӕджы республикӕйы МХМ фӕдагуырды хайады ӕмӕ экспертон-криминалистон центры, хъусын кӕны уагдоны пресс-службӕ. Практикӕ цӕуынц Уӕрӕсейы МХМ Волгограды Академи, Орелы юридикон институт, Воронежы институт ӕмӕ Краснодары университеты цыппӕрӕм ӕмӕ фӕндзӕм курсты 32 курсант.
Курсанттӕн ис фӕлтӕрд зондамонджытӕ, кӕцытӕ сын амонынц профессийы лыстӕгдзинӕдтӕ.
"Ӕз ахуыр кӕнын Уӕрӕсейы МХМ Орелы юридикон институты дыууӕ курсанты. Уыдон цӕуынц кондадон практикӕ. Чызджытӕ ӕвдисынц стыр инициативӕ, бӕрнон ахст дарынц практикӕмӕ ӕмӕ службӕйон фӕдзӕхсттӕм. Ацӕуынц-иу фӕдагурджытимӕ цауты бынӕттӕм", — загъта хистӕр фӕдагурӕг Хетӕгкаты Нина.
Студенттӕ дӕр загътой сӕ хъуыдытӕ сӕ фыццаг практикӕйы фӕдыл.