ЦХИНВАЛ, 18 авг — Sputnik. Ирон боксер Гасситы Мурӕт ацыд Германимӕ хос кӕнынмӕ, цы ран дохтыртӕ хъуамӕ аскъуыддзаг кӕной, хъӕуы йӕ операци ӕви нӕ, хъусын кӕны Градус Осетии спортсмены промоутер Леон Маргулесы ныхӕстӕ.
Маргулес радзырдта, спортсмен кӕй райста уӕхсчы травмӕ, кӕцыйы хос кӕнынӕн гӕнӕн ис бахъӕуа операци.
"Гасситы Мурӕты гӕнӕн ис бахъӕуа операци. Уымӕн ис галиу уӕхсчы травмӕ. Мах нырма нӕ дзырдтам йӕ фидӕны тыххӕй. Йӕ травмӕйӕн куы схос кӕна, уӕд аныхас кӕндзыстӕм", — загъта боксеры промоутер.
Амӕйразмӕ Гасситы Мурӕт ауагъта Боксы Ӕппӕтдунейон суперсерийы финалон тох, кӕцыйы очкотӕй фембылд украинаг боксер Александр Усикӕн.