ЦХИНВАЛ, 25 авг — Sputnik. Цæгат Ирыстон-Аланийы сæргълæууæг Битарты Вячеслав Цхинвалы схорзæхджын кодта Хуссар Ирыстоны дæс æмбæстаджы майдантæ "Во славу Осетии"-йæ.
Хорзæхкæныны цытджын церемони ацыд Ӕхсæнадæмон æхсæнадон змæлд "Стыр Ныхас"-ы юбилейон X уанелы куысты рæстæджы.
Майдан "Во славу Осетии"-йæ хорзæхджын æрцыдысты хицæн æзты Ирыстоны сабырад бахъахъхъæнын æмæ йæ сæндидзынкæнынадмæ йæ хайбавæрд чи бахаста, уыдон. Цæгат Ирыстоны паддзахадон хорзæхтæ райстой парламенты депутаттæ — Диакъонты Амиран æмæ Челæхсаты Владимир, барадхъахъхъæнæг органты кусджытæ Козаты Джемал, Плиты Игорь, Пухаты Мераб, стæй ма Цыбырты Алексей, Остъаты Роберт, Остъаты Таймураз, Тедеты Инал æмæ Мамиты Игорь.
Ӕхсæнадæмон æхсæнадон змæлд "Стыр Ныхас"-ы юбилейон X уанел байгом ис сабаты Хуссар Ирыстоны — ирон диаспорӕты минӕвӕрттӕ ӕрцыдысты Цхинвалмӕ дунейы бирӕ бӕстӕтӕй: Уӕрӕсе, Бразили, Ног Зеланди, Йемен, Канадӕ ӕмӕ Европӕйы бӕстӕтӕй.