ЦХИНВАЛ, 29 авг — Sputnik. Хуссар Ирыстоны Хуссар федералон зылды уӕрӕсейаг ӕфсӕддон базӕ сыстын кодтой ахуырадон фӕдисы, хъусын кӕны РИА Новости Хуссар федералон зылды пресс-службӕйы хистӕр Вадим Астафьевы ныхӕстӕ.
"Ахуырты хайад райсдзысты 1,5 мин ӕфсӕддонӕй фылдӕр ӕмӕ хӕстон техникӕйы 400 иуӕджы. Басгӕрст цӕудзӕн къуырийы кӕронмӕ", — загъта уый.
Афтӕ ма Хуссар ӕмӕ Цӕгат Ирыстоны ауадздзысты дыууӕварсон ротон-тактикон ахуыртӕ. Мадзӕлттӕ цӕудзысты сӕрдыгон ахуырты фӕлгӕтты полигонтӕ "Дзарцъем" ӕмӕ "Тарскӕ"-йы.
Хуссар федералон зылды ӕфсӕдты командӕгӕнӕджы уынаффӕмӕ гӕсгӕ ахуыртӕ ӕххӕст кӕнынц ӕфсады хайады уӕнгтӕ иууылдӕр. Афтӕ ма ахуыртӕм уыдзӕн егъау хъусдард бынаты, ахуыртӕн аргъ кӕндзысты ӕфсӕддон зылды штабы минӕвӕрттӕ.
Дыууӕварсон ротон-тактикон ахуыртӕ Хуссар федералон зылды ӕфсады хайадты уагъд цӕуынц 20 августӕй 15 сентябрмӕ. Ӕрвылбон уым хайад исынц 6 мин ӕфсӕддоны ӕмӕ хӕстон техникӕйы 1,5 мин иуӕджы.