ЦХИНВАЛ, 3 окт — Sputnik, Плиты Фатимæ. Культурæйы министрады дæлбар Адæмон сфæлдыстады центр сиды курдиатджын вокалисттæм II фестиваль-конкурс "Ирыстоны хъæлæстæ"-мæ, фехъусын кодта Sputnik центры пресс-секретарь Къæбысты Зæринæ.
Уый банысан кодта, хайадисджытæн, уагæвæрдмæ гæсгæ, фадат кæй ис сæххæст кæнын дыууæ зарæджы онг, гæнæнуæвгæйæ дзы хъуамæ уа ирон композици дæр.
"Дыккаг фестиваль-конкурс "Ирыстоны хъæлæстæм куырдиæттæ ист цæудзысты15 октябрьмæ. Уагæвæрдмæ гæсгæ дзы нæй кары арæнтæ, сæйраг у рæсугъд æмæ зæлланг хъæлæсы хицау уæвын, ома зарын зонын. Архайыны фадат дзы ис хицæн зарæггæнджытæ, вокалон æмæ вокалон-инструменталон къордтæн", — загъта Къæбысты Зæринæ.
Мадзал ацæудзæн 30 октябры ПККЗ "Чермен"-ы.