ЦХИНВАЛ, 15 окт — Sputnik, Плиты Фатимæ. Цхинвалы сног кодта йæ куыст киноконцертон зал "Чермен". Цæрджытæн фадат уыдзæн уæрæх экраныл фенын премьерон кинонывтæ, фехъусын кодта Sputnik уагдоны директор Саулохты Константин.
Киноконцертон зал йæ куыст сног кæндзæн аивадон киноныв "Непрощенный"-йæ, кæцы таурæгъ кæны ирыстойнаг архитектор Калоты Виталийы трагикон хъысмæтыл.
"Мах ног кæнæм уæрæсейаг прокат, 2015 азы куыд куыстам, афтæ. 19 октябры равдисдзыстæм "Непрощенный", 20 октябрæй фæстæмæ та Цхинвалы уæрæх экраныл фенæн уыдзæн премьерон киноныв "СуперБобровы", — загъта уагдоны директор.
Уый ма радзырдта, фæстæдæр кæй сфидар кæндзысты сеансты рæстæг æмæ фæтк дæр.