ЦХИНВАЛ, 29 ноя – Sputnik. Хуссар Ирыстоны президент Бибылты Анатолий радта уӕрӕсейаг культурӕйы архайджытӕн республикӕйы паддзахадон хорзӕхтӕ, хъусын кӕны паддзахады сӕргълӕууӕджы пресс-службӕ.
Президент цыппӕрӕмы райста УФ музыкӕ, кино ӕмӕ телеуынынады Цӕдисы сӕргълӕууӕг Луис-Христиан Торрес ӕмӕ Цӕдисы кадджын уӕнг Сергей Переверзевы.
ХИПУ ректор Тедеты Вадим, кӕцы хайад иста фембӕлды, фехъусын кодта, уазджытӕ кӕй ӕрцыдысты республикӕмӕ университетимӕ музыкӕ ӕмӕ телеуынынады фадыджы ӕмгуыстады фӕлгӕтты.
Бибылты Анатолий загъта бузныг уазджытӕн сӕ активон ӕмгуыстады тыххӕй ӕмӕ банысан кодта, культурон ӕмархайд Хуссар Ирыстон ӕмӕ Уӕрӕсейы ӕхсӕн кӕй у ахсджиаг.
"Процесстӕ, кӕцытӕ цыдысты Хуссар Ирыстоны, уыдысты стимул, цӕмӕй Уӕрӕсе банымайа нӕ хӕдбардзинад. Уый фӕстӕ нӕ ӕмархайд уыд здӕхт царды алы фадыджы райрӕзтмӕ, се хсӕн культурӕ дӕр", — загъта президент.
Президент радта Сергей Переверзевӕн майдан "Хуссар Ирыстоны Фыдыбӕстон хӕсты адӕмы уӕлахизыл 10 азы сӕххӕсты цытӕн", Луис-Христиан Торресӕн та Кады грамотӕ.
Уазджытӕ загътой бузныг паддзахады сӕргълӕууӕгӕн ӕмӕ йӕ фӕхуыдтой Цӕдисы сӕвзӕрды афӕдз сӕххӕсты бӕрӕгбонмӕ.