ЦХИНВАЛ, 12 дек — Sputnik. Транскавказон автомагистраль, кӕцы иу кӕны Хуссар ӕмӕ Цӕгат Ирыстон, сӕхгӕдтой алы хуызы транспортӕн дӕр, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕ.
"12.00 сахатӕй фӕстӕмӕ Транскам сӕхгӕдтой алы хуызы транспортӕн дӕр тыхджын митуард ӕмӕ зӕйты тыххӕй. Арӕнӕвӕрдтӕ уыдзысты, цалынмӕ сӕрмагонд уынаффӕ рахӕссой, уӕдмӕ", — дзырдӕуы хъусинаджы.
Раздӕр Транскамыл тобӕ сӕвӕрдтой уӕзласӕн автотранспотр скъӕрыныл — фӕндаг сӕхгӕдтой дыццӕджы 19.45 фӕстӕмӕ стыр миты тыххӕй.