ЦХИНВАЛ, 18 дек — Sputnik. Ӕхсӕнадӕмон информацион агентад ӕмӕ радио Sputnik Хуссар Ирыстон ногӕй уадзы хӕрзаудӕн проект "Хӕлардзинады наз". Проектмӕ гӕсгӕ, алкӕмӕн дӕр фадат ис хайад райсын акцийы ӕмӕ саразын ногазон лӕвар ӕххуысхъуаг бинонты сывӕллӕттӕн.
Уый тыххӕй хъӕуы барвитын хъусинаг Facebook, кӕнӕ Instagram-ы нӕ официалон фарсмӕ ӕмӕ равзарын Sputnik ногазон тымбылӕг сывӕллоны ном ӕмӕ мыггагимӕ кафе Vincenzo-йы.
Лӕвар ӕрбахӕссын хъӕуы Sputnik Хуссар Ирыстоны редакцимӕ (Мӕскуыйаг уынг, 5), кӕнӕ та йӕ ныууадзын исӕн пункты кафейы 28 декабрьмӕ. Лӕвӕрттӕ иууылдӕр ратдзысты сывӕллӕттӕн ногазон бӕрӕгбӕтты размӕ, мадзалмӕ фӕхондзысты акцийы хайадисджыты.
Ӕхсӕнадӕмон информацион агентад Sputnik у дунейы иууыл стырдӕр ДИФ-тӕй сӕ иу. Агентад кусы 32 ӕвзагыл. Ӕртӕ азмӕ фӕссоветон тыгъдады бӕстӕты Sputnik сайттӕ бацахстой раззагон бынӕттӕ бынӕттон ДИФ-ты хсӕн.