ЦХИНВАЛ, 14 янв — Sputnik. Цæгат Ирыстоны кæронмæ бахæццæ республикæйы чемпионат армрестлингæй, хъусын кæны республикæйы спорты министрады пресс-службæ.
Сæхи уæзы категориты уæлахиздзаутæ ссисты Гуæцæлты Ника, Моураты Залинæ, Хортиты Оксана, Хосираты Залинæ, Гуыззытаты Диана, Хъайырты Мæдинæ, Дзабиты Арсен, Цоциты Ибрагим, Томайты Руслан, Тогойты Игорь, Ортан Скяев, Цæрыкъаты Владислав, Уртаты Ацæмæз, Золоты Спартак, Хъазиты Гоча, Цæрыкъаты Алан æмæ Сланы Артур.
Ерыстæ æрæмбырд кодтой 120 атлеты, тохты бынат ссис Фадзайты Арсены номыл спортивон комплекс Дыгуры.
Банысан æрцыд, турниры хатдзæгтæм гæсгæ фидар æрцæудзæн республикæйы æмбырдгонд Уæрæсейы чемпионаты хайадистмæ, кæцы ацæудзæн Екатеринбургы.