ЦХИНВАЛ, 13 фев — Sputnik. Ирыстойнаг уӕгъдибар хъӕбысхӕцӕг Рӕмонаты Сослан ногӕй райдайдзӕн тренировкӕ кӕнын, хъусын кӕны Уӕрӕсейы спортивон хъӕбысхӕсты федерацийы официалон сайт.
Ӕввахс рӕстӕджы Рӕмонаты Сослан ацӕудзӕн Сочимӕ, цы ран цӕттӕ кӕндзӕн Уӕрӕсейы националон командӕимӕ Европӕйы U-23 чемпионатмӕ.
Спортсмены сӕрмагонд тренер Мӕргъиты Анатолий фехъусын кодта, Рӕмонаты Сослан кӕй райдайдзӕн тренировкӕ кӕнын ӕмӕ банысан кодта, спортсмены тынг кӕй фӕнды хайад исын ерысты.
Рӕмонаты Сослан йӕхӕдӕг фехъусын кодта Instagram-ы йӕ официалон фарсыл, зӕгъгӕ, бирӕ адӕмы нӕ уырныдта, кӕй ис гӕнӕн ӕрыздӕхын ахӕм операциты фӕстӕ.
Рӕмонаты Сосланӕн сарӕзтой операци ӕмӕ уый тыххӕй нӕ тренировкӕ кодта цалдӕр мӕй.