ЦХИНВАЛ, 13 фев — Sputnik. Европæйы чемпионаты боксæй æрыгæтты ʻхсæн æрæмбырд кæндзæн Дзæуджыхъæумæ 300-йæ фылдæр спортсмены 37 бæстæйæ, хъусын кæны ПТРК "Алания".
Спортивон мадзал цæудзæн 8-æй - 18-æм мартмæ.
"Ерысты организацион комитеты курдиæттæ дæттыны кампани фæци 8-æм февралы. Абонмæ уал сбæлвырд кодтой 280 архайæджы. Фæлæ Европæйы боксы конфедерацийы уæнгты хъуыдымæ гæсгæ, турниры архайджыты нымæц уыдзæни 300-йæ фылдæр", - фыссы сайт Цæгат Ирыстоны хицауады сæрдары хæдивæг Азымты Иринæйы ныхæстыл æнцойгæнгæйæ.
Барадхъахъхъæнæг оргæнтæ куыд зæгъынц, афтæмæй спорты Галуан "Манеж"-ы æвæрд æрцæудзысты видеоцæстдарды камерæтæ, æмæ æдасдзинады æндæр кусæнгæрзтæ. Уæрæсейы спорты министрад Дзæуджыхъæумæ сласдзæн 500 уæлæмхасæн трибунæйы.