ЦХИНВАЛ, 15 мар — Sputnik. Цӕгат Ирыстоны командӕ рамбылдта фондз хорзӕхы Санкт-Петербурджы уагъд цӕуӕг Уӕрӕсейы чемпионаты французаг бокс Саватӕй, хъусын кӕны республикӕйы спорты министрады пресс-службӕ.
Ирон спортсментӕ рамбылдтой дыууӕ сыгъзӕрин, дыууӕ ӕвзист ӕмӕ иу бронзӕйы майдан. Уӕлахиздзаутӕ ссисты Сохиты Георгий ӕмӕ Мӕхъиты Станислав. Дыккаг бынат бацахстой Дзоблаты Маирбег ӕмӕ Михаил Ширгалиев. Бронзӕйы майдан райста Зассеты Артур.
Командӕ бацӕттӕ кодтой тренертӕ Гугкаты Асланбег, Таймазты Игорь, Татраты Гурам ӕмӕ Габойты Хъазбег.