ЦХИНВАЛ, 11 апр - Sputnik, Гӕбӕраты Ян. Хуссар Ирыстоны парламент бахаста ивындзинад "Ӕфсæддон хæсы фӕдыл" законмӕ, кӕцымӕ гӕсгӕ республикӕйы Гарзджын тыхты бӕрзонддӕр ӕфсӕддон ном уыдзӕн инӕлар-булкъон.
Парламенты радон рабадтыл ахӕм хъӕппӕрис рахаста вице-спикер Харебаты Сергей.
"Уӕрӕсейы ӕфсады инӕлар-булкъоны ном ис рагӕй. Мӕ хъуыдымӕ гӕсгӕ, раст нӕу, Хуссар Ирыстон ӕмӕ Уӕрӕсейы гарзджын тыхты разамонджыты фембӕлдты рӕстӕджы нӕ министрӕн йӕ ӕфсӕддон ном дӕлдӕр куы уа", - банысан кодта Харебаты Сергей.
Афтӕ ма депутат банхъардта ӕркӕсын инӕлар-булкъонты службӕйы максималон кары фарстмӕ.
Депутаттӕ ӕмхъӕлӕсӕй райстой закон.