ЦХИНВАЛ, 17 апр — Sputnik, Плиты Фатимӕ. Хуссарирыстойнаг ӕрыгон футболистты къорд "Ир" рамбылдта Цӕгат Иры чемпионаты йӕ фыццаг фембӕлд. Цхинвайлӕгтӕ ныддӕрӕн кодтой Цыколайы командӕ "Чикола"-йы 3:0 хыгъдӕй, фехъусын кодта Sputnik команда "Ир"-ы тренер Мӕргъиты Вячеслав.
Футболон командӕ "Ир" архайы 2006 азы кары спортсменты ʻхсӕн.
"Нӕ фыццаг фембӕлд Цӕгат Иры чемпионаты фӕлгӕтты Цыколайы командӕимӕ рамбылдтам. Ныхмӕлӕууӕг командӕйы къулдуӕртты пуртитӕ скуысси кодтой Тадтаты Арсен, Мулдарты Вадим ӕмӕ Ӕлборты Эдуард, уый хыгъд хъазт ахицӕн мах пайдайӕн 3:0 хыгъдӕй", - загъта тренер.
Къуырийы кӕрон та "Ир" фембӕлдзӕн Елхоты командӕимӕ.
"15 командӕйы бӕрц дзы архайы, ӕрвыл хуыцаубон дӕр цӕудзысты хъӕзтытӕ, 30 фембӕлды бӕрц нын уыдзӕн ӕдӕппӕт", - бафтыдта Мӕргъиты Вячеслав.