ЦХИНВАЛ, 24 апр - Sputnik. Наркотикон буарадтӕм хъусдарды хайады кусджытӕ ссардтой Цхинвалы дуканийы уӕйгӕнӕгмӕ снюс, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.
"Снюс ссардтой криминалон милицийы кусджытӕ республикӕйы столицӕйы дуканитӕй иуы оперативон-сгарӕн мадзӕлттӕ уадзыны рӕстӕджы. Дуканийы басгӕрсты рӕстӕджы оперативон кусджытӕ байстой снюсы 17 пакеты", - дзырдӕуы хъусинаджы.
Цхинвалы 38-аздзыд цӕрӕг сылгоймаг фехӕлдта республикӕйы "снюс" ӕмӕ "насвай" тамако ласын, ӕлхӕнын, уӕй кӕнын ӕмӕ пайда кӕныны" фӕдыл закон.
Хуссар Ирыстоны ист ӕрцыд "снюс" ӕмӕ "насвай" тамако ласын, ӕлхӕнын, уӕй кӕнын ӕмӕ пайда кӕныны" фӕдыл закон. Законхалджыты ӕрбаздахынц административон бӕрнмӕ ивар, кӕнӕ дыууӕ мӕймӕ ӕрцахсыны хуызы.