ЦХИНВАЛ, 31 мая - Sputnik. Хуссар Ирыстоны президент Бибылты Анатолий сӕвӕрдта венок мемориалон комплексмӕ Степанакерты дидинджытӕ Хӕххон Карабахы хъахъхъӕнджыты ингӕнтӕм, хъусын кӕны паддзахады сӕргълӕууӕджы пресс-службӕ.
Мемориалон комплексы ис кувӕндон, кӕцы нывонд у Сомихы адӕмы геноцид ӕмӕ зӕххӕнкъуысты амӕттӕгтӕн. Хуссарирыстойнаг делегациимӕ церемонийы хайад райста Абхазы делегаци фӕсарӕйнаг хъуыддӕгты министр Даур Ковейы сӕргълӕудӕй.
Бибылты Анатолийы балц Хӕххон Карбахмӕ адаргъ уыдзӕн ӕртӕ боны. Йӕ фӕлгӕтты ацӕудзӕн баныхас Хӕххон Карабахы президент Бако Саакянимӕ. Афтӕ ма нывӕндынц бацӕуын республикӕйы сӕудӕджерадон куыстуаттӕм, культурон ӕмӕ историкон объекттӕм.
Уымӕй дарддӕр ма Хуссар Ирыстоны делегаци хайад райсдзӕн Европӕйы чемпионат футболӕй ConIFA – 2019 баконды.
Делегацийы сконды сты РХИ хицауады сӕрдары хӕдивӕг Бекъойты Геннадий ӕмӕ фӕсарӕйнаг хъуыддӕгты министр Медойты Дмитрий.