ЦХИНВАЛ, 4 июн - Sputnik. Ацы аз майы Хуссар Ирыстоны паддзахадон арæны алыгъуызон фадгуытыл æрцахстæуыд 62 фæткхалæджы. Уый у иу цау къаддæр, апрельмæ абаргæйæ, хъусын кæны республикæйы Паддзахадон æдасдзинады комитет (ПӔК).
Уагдоны банысан кодтой, фæткхалджытæй 26 кæй фехæлдтой арæны режим, 36 арæнгæрон режим.
ПӔК арæнгæрон службæ ауагъта равзæрст ацыл фæткхалæн цауы фæдыл дæр. Уый фæстиуæгæн фæивар кодтой 34 адæймаджы, фондз бафыстой административон ивар æмæ феддæдуар сты республикæйæ, æртæйы феддæдуар кодтой æнæ иварон санкцитæй, 20 адæймаджы та райстой фæдзæхстытæ.
Ивартæй республикæйы бюджетмæ бацыд 126 мин сомы.