ЦХИНВАЛ, 17 июн — Sputnik, Плиты Фатимæ. Хуссар Ирыстоны скъоладзауты къорд сæ сæрдыгон улæфтбонты иу хай æрвитынц Сау денджызы былгæрон. Къорды сконды сты Дзау æмæ Цхинвалы скъола-интернатты хъомылгæнинæгтæ, фехъусын кодта Sputnik къорды къухдариуæггæнæг Тедеты Анжела.
30 сывæллоны хистæр кары адæмимæ улæфынц уазæгдон "Сакля горца"-йы хъæу Песчаноейы, Симферопольмæ хæстæг.
"Улæфынмæ ацыдысты æххуысхъуаг æмæ бирæсывæллонджын бинонты зæнæг æмæ сидзæр сывæллæттæ. Скъоладзаутæ сæ улæфт æрвитынц Сау денджызы былгæрон æмæ райгонд сты сæ улæфтæй курорты. Цымыдисон график сын æрцыд арæзт – æртæ хатты хæрд, тезгъо, футбол, хъæзтытæ æмæ экскурситæ", - радзырдта Тедеты Анжела.
Уый ма бузныджы ныхæстæ загъта президент Бибылты Анатолий, Уæрæсейы сæйраг тренер Тедеты Дзамболатæн æмæ уазæгдон хицау Битеты Эльбрусæн се 'ххуысы тыххæй.
Сывæллæттæ улæфдзысты 21 июньмæ.