ЦХИНВАЛ, 28 июн - Sputnik. Закондæттынад, закъонад æмæ бынæттон хиуынаффæйады комитеты сæрдар Ортабайты Тимур фехъусын кодта Цæгат Иры ахуыры райдайæн фыццæгæмæй 4 сентябрьмæ ахæссыны тыххæй, хъусын кæны 15 Регион. Уый тыххæй хъусинаг уый сарæзта парламенты рабадты рæстæджы.
"2019 азы 13 июны нæ советы æвзæрстам Цæгат Ирыстоны ахуыры азы райдиан 1-æм сентябрæй 4-æм сентябрьмæ аргъæвыны фарст. Бузныг зæгъын республикæйы хицауадæн — æркасты хатдзæгтæм гæсгæ фидаргонд æрцыд уынаффæ æмæ æрвыст æрцыдысты официалон бардзырдтæ æппæт дæлуагдонон уагдæттæм, фыстæджытæ муниципалон арæзтæдты сæргълæуджытæм ахуыры азы райдиан 4-æм сентябрьмæ ахæссыны тыххæй", — хъусын кæны агентад спикеры ныхæстæ.
Ортабайты Тимур ма куыд бахахх кодта, афтæмæй амынд фарсты фæдыл уыд бирæ куырдиæттæ æхсæнадон организацитæй.
"Фембæлдыстæм "Стыр Ныхас"-ы разамындимæ, уый дæр нæ разы уыцы фарст æвæры. æхсæнады хъуыды нымайын хъæуы, уæлдайдæр та, уыцы теракты хъыгдард чи баййæфта, уыцы адæмы æмæ сæ хæстæджыты хъуыды", — фыссы парламентариы ныхæстæ 15 регион.
Уæ зæрдыл уын лæууын кæнæм, ивгъуыд аз ахуыры райдайæн фæндзæм сентябрьмæ аргъæвтой Хуссар Иры.
1 сентябры 2004 азы террористæ бацахстой скъола Беслæны æмæ амынæты систой 1128 адæймаджы æмæ сæ дардтой æртæ боны дæргъы минæгонд спортивон залы. Теракты бабын ис 334 адæймаджы.