ЦХИНВАЛ, 17 июл — Sputnik. Ирыстоны цæгат æмæ хуссар хайы банысан кæндзысты Галаты Борисы 130 азы юбилей. Ӕхсæнадæмон зонадон-практикон форум "Проблемы традиционной художественной культуры горских народов" цæудзæн æхсæз боны дæргъы, хъусын кæны УФ культурæйы министрады сайт.
Форум цæудзæн 21-26 июлы æмрæстæджы Ирыстоны хуссары дæр æмæ цæгаты дæр.
"Форумы зонадон нывæзты иу хай ацæудзæн Хуссар Иры - 24 июлы Зонад-иртасæн институт æрфысым кæндзæн йæ архайджыты, стæй уыдон бабæрæг кæндзысты Галаты Борисы хæдзар-музей Цхинвалы, 25 июлы Хуссар Ирыстоны паддзахадон университеты уыдзæн зонадон фембæлд. 23 æмæ 26 июль нывæзтмæ гæсгæ, нывонд сты экспедицион балцытæн Цæгат Иры Алагиры район æмæ Хуссар Ирыстоны Цхинвал æмæ Дзауы районтæм", - дзырдæуы хъусинаджы.
Зонадон куыстæй дарддæр форумæн ис хъæзныг культурон нывæзт дæр.
Фыццаг бон ацæудзæн камерон музыкæйы концерт "Душа гор", равдисдзысты ирон кинематографы хуыздæр куыстытæй иу –фильм "Фатима", кæцыйæн музыка ныффыста Галаты Борис. Форумы дыккаг бон Мариинаг театры симфонион оркестр ралæудзæн концерт "Борис Галаев и его ученики"-имæ.