ЦХИНВАЛ, 18 июл - Sputnik. Цӕгат Ирыстоны райдыдтой аразын фӕндаг Дзӕуджыхъӕу ӕмӕ Мӕздӕджы хсӕн, объекты аргъ у дыууӕ миллиард сомӕй фылдӕр, хъусын кӕны республикӕйы сӕргълӕууӕджы пресс-службӕ.
27 азы дӕргъы иунӕг маршрут, кӕцы иу кодта Мӕздӕджы район республикӕйы центримӕ, у фӕндаг Кӕсӕг-Балхъары территорийы уылты.
Республикӕйы ӕртыццӕджы райдыдтой фӕндаджы арӕзт, кӕцыйы дӕргъ уыдзӕн 57 километрӕй фылдӕр.
"Махмӕ раст нӕ каст, республикӕйы егъау районӕн кӕй нӕй комкоммӕ бастдзинад столицӕимӕ. Уый тыххӕй фӕзынд социалон-экономикон проблемӕтӕ дӕр, кӕцытӕ ӕндавынц адӕмы цардыл. Фӕлӕ фидӕн аз Джӕуджыхъӕуӕй Мӕздӕгмӕ фӕндаг уыдзӕн дыууӕ хатты цыбырдӕр", - банысан кодта церемонийы рӕстӕджы Цӕгат Ирыстоны сӕргълӕууӕг Битарты Вячеслав.
Регионы пресс-службӕйы банысан кодтой, Битарты Вячеслав кӕй банхъардта фӕндаг саразын 2018 азы, ацы темӕ уыд сӕйраг Уӕрӕсейы Федерацийы президент Владимир Путин ӕмӕ премьер-министр Дмитрий Медведевимӕ фембӕлды рӕстӕджы.
Фӕндагон куыстытӕн хъӕуы дыууӕ миллиард сомӕй фылдӕр, суммӕйы 95% рахицӕн кӕндзысты федералон бюджетӕй, иннӕ хай та республикон бюджетӕй.