ЦХИНВАЛ, 24 июл — Sputnik. Уӕрӕсейаг боксер Гасситы Мурӕты схорзӕхджын кодтой премийӕ "Боксы стъалы", хъусын кӕны Sport-24.
Хорзӕхкӕныны церемони ацыд Ӕхсӕнадӕмон боксы боны фӕлгӕтты Мӕскуыйы Сырх фӕзуатыл.
Боксеры схорзӕхджын кодтой IBF версимӕ гӕсгӕ дунейы чемпион, кубайаг Юниер Дортикосимӕ тохы тыххӕй WBSS ӕрдӕг финалы, кӕцы ацыд 2018 азы февралы. Уӕд 25-аздзыд боксер рамбылдта йӕ ныхмӕлӕууӕджы нокаутӕй.
Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинаг Александр Усикӕн.
Амӕйразмӕ хъусын кодтой, Гасситы Мурӕт йӕ фыццаг тох уӕззау уӕзы кӕй ауадздзӕн 27 июлы америкайаг Джоуи Давейкоимӕ. Фӕлӕ уый фӕстӕ тох аивтой ирон боксеры травмӕйы тыххӕй.