ЦХИНВАЛ, 2 авг - Sputnik. Хуссар Ирыстоны Гарзджын тыхты Генштабы оперативон къорд хайад райста командон-штабон тренировкӕйы 4-ӕм уӕрӕсейаг ӕфсӕддон базӕимӕ, хъусын кӕны республикӕйы Хъахъхъӕнынады министрады пресс-службӕ.
"Командон-штабон ахуыртӕ уагъд цыдысты цалдӕр боны дӕргъы, сӕ сӕргъ лӕууыд Хуссар ӕфсӕддон зылды ӕфсӕдты штабы хистӕр", - дзырдӕуы хъусинаджы.
Тренировкӕты нысан у дыууӕ ӕфсӕддон уагдоны иумӕйаг цӕттӕдзинады нывӕзт сӕххӕст кӕнын.
Иумӕйаг ахуыртӕ оперативон къордтӕн уагъд цӕуынц ӕппынӕдзух, уыдон ахъаз сты ӕмгуыстады ӕвӕзад фӕбӕрзонддӕр кӕнынӕн ӕмӕ ӕдасдзинады иумӕйаг контур сфидар кӕнынӕн, бафтыдтой уагдоны.