ЦХИНВАЛ, 7 авг — Sputnik. Цӕгат Ирыстоны фольклорон кафты ансамбль "Ӕртхурон" ссис иууыл хуыздӕр Ӕппӕтдунейон фестивалы Турчы, хъусын кӕны 15-ӕм Регион.
Кафджытӕ бавдыстой кӕсджытӕн "Симд", "Хонгӕ кафт", "Тох", "Чызджыты кафт" ӕмӕ "Хӕххон кафт".
Ансамблы хореограф Бестауты Майя куыд банысан кодта, афтӕмӕй уыдонӕн уый уыд ахсджиаг конкурс, уымӕн ӕмӕ фестивалы хъахъхъӕдтой ӕрмӕст Ирыстоны нӕ, фӕлӕ ӕппӕт Уӕрӕсейы кад.
"Ахӕм ӕнкъарӕнтӕ мын нӕ уыд фӕстаг аз. Тынг ахсджиаг конкурс уыд", - бафтыдта Бестауты Майя.
Иумӕйагӕй фестивалы уӕлахизыл тох кодтой 70-йӕ фылдӕр бӕстӕйы минӕвӕрттӕ.