ЦХИНВАЛ, 28 авг - Sputnik. Хуссар Ирыстоны делегаци хицауады сӕрдары хӕдивӕг Бекъойты Геннадийы сӕргълӕудӕй фембӕлд Сирийы экономикӕ ӕмӕ ӕддагон базарады министры хӕдивӕг Халед Або Факеримӕ, афтӕ ма сириаг компаниты разамонджытимӕ.
Фембӕлд ацыд Дамаскы 61-ӕм ӕхсӕнадӕмон армукъайы баконды размӕ, хъусын кӕны хицауады пресс-службӕйы кусӕг Дзуццаты Тамара.
Фарсытӕ ӕрдзырдтой Хуссар Ирыстон ӕмӕ Сирийы хсӕн базарадон-экономикон ӕмгуыстадыл IT-технологитӕ, базайрӕгты ӕрбаласт ӕмӕ хоскӕнӕн препаратты арӕзтады фадыджы.
Амæйразмӕ сарӕзтӕуыд ӕхсӕнхицауадон къамис дыууӕ бӕстӕйы хсӕн базарадон-экономикон, зонадон-техникон ӕмӕ культурон ӕмгуыстады фӕдыл.
"Хуссар Ирыстоны ӕмӕ Сирийы хицауадтӕ сарӕзтой къамистӕ, уыдон цӕттӕ сты ӕххӕст кӕнын дыууӕварсон ӕмгуыстады хӕслӕвӕрдтӕ ӕмӕ скъуыддзаг кӕнын зындзинӕдтӕ, кӕцытӕ фӕзынынц дыууӕ республикӕйы хсӕн бадзырдты реализацийы рӕстӕджы", - загъта Бекъойты Геннадий.
Уый бафтыдта, азы кӕрӕттӕм кӕй нывӕндынц ауадзын ӕхсӕнхицауадон къамисы фыццаг рабадт.